October ni 26, Zirtawpni tlai Mc Dowell's No 1 Soda Mizoram Premier League (MPL) Season 7 Round 9 match thumna kai thar Chawnpui FC leh Mizoram Police FC inkhelah Chawnpui FC chuan 2-1 in Mizoram Police FC an hneh a, point thum an hlawh chhuak. He inkhelah hian Chawnpui FC midfielder Jerry F. Zonunsanga chuan of the match-ah thlan a ni.
Team pahnih te hi round 7-ah inhmachhawn tawhin Mizoram Police FC hian 2-0 in anhneh a, an intawn vawi hnihnaah Chawnpui FC an chungnung zawk.
Mizoram Police FC khelh tawhah point 12 neiin palina an ni mek a, semifinal khelh an tum chuan chak ngei an ngai tawh a ni. Chawnpui FC hian khelh tawhah point 11 neiin paruakna an ni mek.
Goal lut te hi first half leh second half-a lut an ni a, first half-ah Mizoram Police FC tan Lalfakawma goal khung chu second half-ah Chawnpui FC tan Jerry F. Zonunsanga chuan an siphurh a rul a, Lalruatfela chuan an chakna goal a khung.
Chawnpui FC 2-1 Mizoram Police FC
(Jerry F. Zonunsanga 47', Lalruatfela 87') (Lalfakawma 19')
MoM: Jerry F. Zonunsanga, Chawnpui FC
Inkhel tan a tang a, minute 9-ah Mizoram Police FC chuan goal an khung nghal a, he goal hi Lalramtharmawia thawhrah sengin Lalfakawma chuan an hmahruaiina goal a khung.
Chawnpui FC chuan nawr letin box pawn a tang a Vanlalthanga shot tha zet chu a goal dawn nia a lan laiin Mizoram Police FC keeper Tanpuia veilam goal sirah chiahah a kal a, Zarzokima chuan an siphurh sutna hun tha a hloh zui bawk.
Mizoram Police FC pawhin goal thun belhna hun tha neiin Lalbiakhlua (Biaktea) corner pet box chhunga awm Fakzuala tauh chu Chawnpui FC keeper Thomas Lalthlamuana chuan a dan sak a, box chhung chiah a tang a Lalramtharmawia shot chu Thomas Lalthlamuana chuan a dang leh bawk.
Huntawp dawnah Chawnpui FC chuan an siphurh sutna hun tha neiin Vanlalthanga ball vawrh luh David Lalliansanga shot chu goal sirah chiah a kal a, goal luh belh lo in Mizoram Police FC chuan 1-0 a hmahruaiin chawlhlawk an hmang zui ta a ni.
Second half tan a ni a, minute 2 aral hmain Chawnpui FC tan Jerry F. Zonunsanga chuan an siphurh sutna goal a khung a, Chawnpui FC chuan goal thun belhna hun tha nei zuiin David Laltlansanga ball pek tha zet chu Jerry F. Zonunsanga chuan box chhung atangin shot mahse Mizoram Police FC keeper Tanpuia chuan a dang hman.
Mizoram Police FC chuan hnehna chan ngei tumin counter attack-in an nawr a, Lalbiakhlua (Biaktea) leh Fakzuala chuan goal thun belhna hun tha an hloh a, bench a tang a lut Lalhlimpuia chuan a hun tha a hloh bawk.
Chak zawk awmlo in khelmual an chhuahsan mai dawn emaw tih hnu huntawp dawn minute 3 ala awmin Chawnpui FC chuan an hun tha neih an hmang tangkai a, box chhung a tang a, K. Roluahpuia (K. Mama) ball pek fing zet chu Lalruatfela chuan goal-ah chantirin an goal hnihna a khung a, Chawnpui FC chuan 2-1 in hnehna an chang zui ta a ni.
(adsbygoogle = window.adsbygoogle || []).push({});