10 Feb 2018 12:07

inkhel

Chawilung tlangval Ruata'n MESSI STONE siamin a pu zo bawk!

Argentina leh Barcelona forward Lionel Messi ngaisang em emtu Ruata Sailo, Chawilung khua chuan a atchilh em em Messi hming chawiin 'MESSI STONE' (MESSI LUNG) a siam a, a pu zo bawk.

Messi Stone hi Spring balance-a buk anih chuan 100kg lungin a khaikang zo lo tih Ruata hian a sawi a, engzat chiaha rit nge tih hriat ni rih lo mahse 100kg ai chuan a rit tih a chiang.

Messi Stone-ah hian 'FOR ME HE IS THE BEST PLAYER OF ALL TIME' tih a ziak a, 'KA TAN CHUAN MESSI HI ENGTIKLAI PAWHA PLAYER ȚHA BER A NI.' a tihna ni.

Ruata chuan heti hian a sawi a, "MESSI STONE rih zawng hi Spring balance 100kg bukna khan kan buk a, a zo lo lutuka a vir let kual daih a, quintal khat chu chuang hle tih a hriat thlap.

"Chawilung khuaah hian Chawillung Lung pa chak zawnna a awm a, chu chu mi țhenkhat hian an pu zo ve a Messi hmingin pu țhin mahila miin eng teh ualah an ngai tawh lo.

"Engtinge Messi hming hi ka chawimawi ve theih ang ka ti ta a; ka tana tih theih awmchhun chu he lai khawchheh velah pa chak ve ber te'n an put zawh loh tur Messi hminga lungchher hi a ni.

"Hmuifangtlang Group YMA Pa chak ber Pakhatna hauhtu pawhin vawithum lai beiin a hlawhtling thei ta ngang lo.

"Tunah hian chawi kang zo hrim hrim chu awm ve mahse kokia pu thei hi an la awm lo (chawi kan hi chu a harsa lo va kokia put hi a harsa).

"Khawvel zau zawk thlir chuan turu lo mahse khawlian lo te ațanga Messi ka lo chawimawi ve thei hi ka hlim hle a ni.

"Tin, pawisa tha leh zung hi ka seng ve nual a, Aizawl ațanga 70km vela hla ami ka order a, lak tumin vawinga vel ka bei. Tih tet (keh) palh ka hlauh em avangin a lo lian mah mah zel. Lung neitu pawh a hlawk lova, a siamțha ngun em em a han chhiar to viau dawn se a lung enin tih to chi niin a hre silo.

"Kei lah beisei aia kan siam thar ngun takah chuan ka sen tum let sen ngai daih tawh si, dam takin lawm tak chungin kan inbe fel ta hram chu ania; ka lak tum hmasak ber chuan 700kg vel daih a ni ang.

"Chutah khampang sang tak ațanga uluk taka lak kan tum a, darkar khat vel kan bei a kawng a thleng țep tihah kawngthlang 100ft chuangah a lum! Pawi tak a ni a keh vek ka ring a alo keh lo hlauh. Ka va lawm tak em!

"Chutah inah ka hawn thleng a la lian turu si vawikhat pawh lungchher ngailo khan zing khawvar tirh leh zan current hnuaiahte beiin kar thum hnu velah ka peih fel thei hram (chher rei min ti maithei mahse mi naran put zawhloh ka put zawh si a ngai a, tha zat lai lo chuan tih (try) chhin mai mai chi ni bik silo. Vawi 20 vel chher zo ang ka ni. Chher zo ila pu zo leh ta silo ila Messi chawimawilo tu ka ni zawk dawn si). Tin, Messi tan anih avangin midang lung chher thiam inhnamhnawih ka phal bawk silo.