​Chanmari West FC beiseina ti thar lehtu Asawmtea

25th November 2015, 04:11AM

Chanmari West FC chu MPL 4 semi final khel thei turin vawiin khan beiseina thar an nei leh ta a, palina ni mek Dinthar FC chu si khat faiin Chanmari West FC hian an hneh a, goal awmchhun hi R. Malsawmkima khung a ni.

Khelh 13 atangin Dinthar FC hian 17 points an nei mek a, table-ah palina an ni chhunzawm zel. Chanmari West FC leh Zo United FC te chuan 14 points ve ve an nei a, Chanmari West FC hian an match hnuhnung bera Aizawl FC an hneh a, Dinthar FC-in Zo United FC an hneh loh hlauh chuan point 17 hmu team pathum an awm thei dawn tlat mai.

Head to head en hmasak a ni thin a, mahse team thum ten point 17 vek an hmuh chuan goal difference atanga semi final lut tur tihfel a ni dawn a ni. Hetih lai hian Chanmari West FC hi relegate thei dinhmunah an la ding tho mai le. Match hnuhnung berah Mizoram Police FC hian Bethlehem Vengthlang FC hneh ta se, Luangmual FC pawhin Chanmari FC hneh ta bawk se, chutih laiin Chanmari West FC hian Aizawl FC hneh loh thung se. Mizoram Police FC leh Chanmari West FC te chuan point 14 ve ve an nei thei dawn bawk a. Head to head-ah Mizoram Police FC an chungnung zawk bawk si a, Chanmari West FC an tla daih theih bawk a ni.

Chanmari West FC 1-0 Dinthar FC

(R. Malsawmtluanga 35')

Chanmari West FC: Lalruatpuia (Mama), C. Ramdinmawia, Zohmangaiha Ralte, Lalnunpuia, C. Zomuanpuia, Zion Lalramluaha, Vanlalbiaa Chhangte, Zosangliana Sailo (Chhaia), R. Malsawmkima, Lalnunsanga Hnamte (Tale-a), H. Lallianzama.

Subs: Liansangpuia, Vanlalruata, Abraham Lalringngheta, K. Lalmuanthanga, Vanneihtluanga, Lalbiakhlua, Laltlansanga Zadeng, Lalrammuanpuia.

Dinthar FC: Vannunmawia, Tlangthanpuia Ralte, H. Lalhlimpuia, Lalfelpuia, Paul Ramfangzauva, Vanlalthanga, Isaac Lalruatpuia, Lalmuansanga, Lalramliana, Samuel Laltlanthanga, Lalkhawpuimawia (Mapuia).

Subs: Sanjay Biswas, Lalfakzuala Hrahsel, Lalruatdika Pautu, Chhanrinpianga, Lalnghinglova, K. Lalsawmtluanga, R. Lalawmpuia, C. Remmawia, Lalrintluanga.

He match-a goal awmchhun hi 35th mins-a R Malsawmtluanga khung a ni a, box veilam sir atanga Vanlalbiaa Chhangte shot tha zet chu Dinthar FC goalkeeper Vannunmawia chuan lo dang mahse a per a, hemi per hi Asawmtea chuan a pet goal ta a ni. Dinthar FC hian an si phurh rulh an tum hle a, Chanmari West FC goal woodwork pawh an tih per dawp dawp.

Samuel-a chuan first half-ah Chanmari West FC goal woodwork a tih ber a, hun tawp dawn tak takah Muansanga chuan Chanmari West FC goal bar a pet per bawk a, Dinthar FC an vanduai kan ti thei bawk ang chu. Goal khat tal khung chu an phu ve a ni. Hetih lai hian Chanmari West FC defender te an in organise tha hle a, goal an chhuah lo kan ti thei bawk ang chu.

McDowell's No 1 Soda Mizoram Premier League-a semi final a awm hian Round tawp thlengin inkhel nung tak a awm tir a. Team thum ten semi final spot khat an inchuh dawn a, team thum relegate hlauhawmah an awm bawk a, Round 14 a hmuhnawm dawn khawp mai.

MPL Round 14 Fixtures

27th November, 2015

Chanmari FC vs Luangmual FC

Mizoram Police FC vs Bethlehem Vengthlang FC

28th November, 2015

Dinthar FC vs Zo United FC

Aizawl FC vs Chanmari West FC

Copyright © inkhel.com 2024. All rights reserved.