Mizoram Premier League (MPL) Season 8 khelh mekah November ni 27, Nilaini khan round 14 Ramhlun North FC leh Chanmari FC ten an match hnuhnung ber an khel a, Chanmari FC chuan 5-0 a Ramhlun North FC an hneh. He inkhelah hian Chanmari FC midfielder David Lalrinmuana chu Man of the match-ah thlan a ni.

Chanmari FC hian point 20 neiin asang pali zingah inhlangkai zolo mahse, Mizoram Police FC hian BN Mullick Memorial All India Police Football Tournament khel turin December 4-19, 2019 chhungin Kolkata-ah an zin dawn avangin MPL Semifinal ankhel dawn lo, semifinal-ah hmahruaitu Aizawl FC leh pangana Chanmari FC-te an in hmachhawn ang a, Chhinga Veng FC leh Electric Veng FC an intum bawk ang. Ramhlun North FC hian point 9 neiin ahnuai berah an awm a, season tharah an hmel kan hmu dawn ta lo a ni.

Goal lut te hi first half leh second half a lut an ni a, Chanmari FC tan Thomas Lalengkima, Lalremruata, Lalnunzama, K Roluahpuia leh Rochhingpuia ten goal khat theuh an khung.

02:00 PM Ramhlun North FC 0-5 Chanmari FC

(Thomas Lalengkima 7', Lalremruata 41', Lalnunzama 63', K Roluahpuia 82', Rochhingpuia 84' (P)

First half-ah goal hnih alut a, Chanmari chuan nawr nghalin minute 7-ah Defender Thomas Lalengkima chuan halfway line bul atangin goal mawi bik a khung. Chanmari chuan nawr chhunzawmin first half huntawp dawn minute 4 ala awmin forward Lalremruata chuan box pawn chiahah Ramhlun North Defender te a bum hnuah chiang zetin a pet goal a, chawlhlawk anih meuh chuan Chanmari chuan 2-0 in hma an hrui zui ta a ni.

Second half-ah goal thum lai aluh belh a, Chanmari chuan inkhel thunun chhunzawmin minute 63-ah Thomas Lalengkima ball pek chu bench atanga lut Lalnunzama chuan goal-ah chantirin an goal thumna a khung.

Chanmari chuan nawr chhunzawmin huntawp dawn minute 8 ala awmin goal hnih an khung leh a, bench atanga lut midfielder K Roluahpuia'n an goal lina akhung hnuah Rochhingpuia chuan penalty anhlawh atangin an goal ngana a leh a, Chanmari chuan 5-0 in hnehna an chang zui ta a ni.

(adsbygoogle = window.adsbygoogle || []).push({});