Mc Dowell's No 1 Soda Mizoram Premier League (MPL) Season 7 round 6 October ni 4, Ningani tlai match hmasa ber Chanmari FC leh Mizoram Police FC inkhelah Chanmari FC chuan sikhat faiin Mizoram Police FC an hneh. Goal awm chhun hi second half-a lut a ni a, Chanmari midfielder Mark Zothanpuia khung a ni. Man of the match-ah thlan nghal a ni bawk.
Chanmari FC hian Ramhlun North FC an hneh hnuah Aizawl FC an draw a, Bethlehem Vengthlang FC hnehin Electric Veng FC leh Chawnpui FC hneh lo leh in Mizoram Police FC an hneh a, khelh tawhah point 10 an nei tawh a ni.
Mizoram Police FC hian Bethlehem Vengthlang FC hnehin Electric Veng FC leh Aizawl FC anhneh lo a, Ramhlun North FC hnehin Chhinga Veng FC leh Chanmari FC an hneh lo a, khelh tawhah point 6 an nei mek a ni.
03:00 PM Chanmari FC 1-0 Mizoram Police FC
(Mark Zothanpuia 55')
MoM: Mark Zothanpuia, Chanmari FC
Inkhel tan a ni a, team pahnih te an innawr tawn zak zak hnuah Mizoram Police FC chuan goal thunna hun tha nei hmasa zawkin F. Lalrinpuia (Valpuia) chuan a hun tha neih a hmang tangkai lo a,box pawn chiah a tang a Lalbiakhlua (Hlutea) goal shot tha zet chu Chanmari FC keeper MS Dawngliana chuan a dan sak.
Chanmari FC pawhin goal thunna hun tha nei ve bawkin box pawn chiah a tang a Dampuia goal shot tha zet chu Mizoram Police FC keeper Muanawma chuan a dan sak a, mual dinglam sir a tang a Muanzova ball pek chu Lalnunzama chuan a pet goal ngei dawn nia a lan laiin a shot tha zet chu Mizoram Police FC defender Ronald Zothanzama chuan a dangper hman.
First half huntawp dawnah Mizoram Police FC chuan goal thunna hun tha leh in mual dinglam sir a tang a Lalbiakhlua (Biaktea) ball pek tha zet chu F. Lalrinpuia (Valpuia) chuan box-ah la lutin a shot tha zet chu Chanmari C keeper MS Dawngliana chuan a dan sak a, goal lut awmlo in hun chanve an hmang zo.
Second half tan a tang a minute 10-na lekah Chanmari FC tan Mark Zothanpuia chuan free kick a tangin goal hmahruai a khung. Chanmari FC chuan goal thun belhna hun tha neih chhunzawm mahse Jeremy Laldinpuia chuan a hun tha neih a hmang tangkai thei lo a, Muanzova'n goal thun belhna hun tha a hloh bawk.
Mizoram Police FC chuan an siphurh sut ngei tumin na takin an nawr a, R. Malsawmtluanga chuan a hun tha neih a hmang tangkai thei lo a, Dampuia chuan box pawn chiah a tang a shot chu Chanmari FC keeper MS Dawngliana chuan a dan sak. Huntawp dawnah Lalbiakhlua (Biaktea) goal shot chu goal kham chung chiahah a kal zui a, goal luh belh lo in Chanmari FC chuan 1-0 in hnehna an chang ta a ni.
(adsbygoogle = window.adsbygoogle || []).push({});