​Chanmari FC coach Thlanga bang !

29th June 2015, 02:06AM

Chanmari FC chuan 2013 atanga an rawih Mizoram coach zinga tha ber pakhat Pu H Vanlalthlanga chu an ruai chhunzawm thei dawn ta lova. SYS Department chuan season tharah Pu Thlanga hian club a enkawl theih tawh loh tur thu Chanmari FC an hrilh hnuah vawiin June ni 28, 2015 khan Pu Thlanga leh Chanmari FC thawhhona hi a tawp ta a ni.

2013 kum tir atang khan Pu H Vanlalthanga hian Chanmari FC enkawl tanin, MFA hnuaia inelna lian thama trophy zawng zawng an hui nghal. Kumin I League 2nd Division-ah Chanmari FC hi Pu Thlanga hian palina a nih pui nghe nghe a ni.

Chanmari FC chuan facebook official page-ah thuchhuah siamin,"Sir Thlanga kan chan hi hreawm kan ti a, club tana a inpekna leh thawhrimna a ropui kan ti a, Chanmari FC a awm chhung chu a hming a dai tawh ngai dawnlo a ni. A kal zelna turah duhsakna sang ber kan hlan a ni." tiin an coach hi an thlah ta a ni.

Photo credit : Vanglaini.org

THANK YOU SIR THLANGA!Chanmari FC is sad to announce the departure of the most successful mizo coach Mr. H....

Posted by Chanmari FC on Sunday, June 28, 2015
Copyright © inkhel.com 2024. All rights reserved.