27 Nov 2018 04:37

inkhel

Champions League leh number thenkhat

Zanin leh naktuk zanah UEFA Champions League match eng emaw zat a awm leh hlawm a, tun tumah chuan inkhel turte hi tlema thlir dan danglam deuhin han thlir kual thuak ila.

Robert Lewandowski chuan goal khat a thun leh chuan record thar a siam thei dawn a, a pet goal thei dawn nge dawn lo tih a la hriat loh a. Tun season chhungin Manchester City chu team zinga goal thun hnem ber an ni mek a, an thun belh thei zel dawn nge dawn lo tih te chu a taka tawn chawp ngai a la ni.

AEK Athens vs Ajax (11:25 pm)
3 - Ajax leh AEK Athens te hi vawi thum an inhmachhawn tawh a, Ajax hi an la chak vek a, heng vawi thum an inkhelh tawha an goal thun belhkhawm chu 7-1 a ni.
4 - AEK hi tun season chhungin Champions League game 4 khelh tawha la chak lo vek team hnih zinga pakhat an ni a, pakhat chu Lokomotiv Moscow an ni a. A zawnin vawi nga an la tlawm ngai bik miah lo a, zanin hian eng ang boruak nge an tawn dawn a sawi theih loh.

CSKA Moscow vs Viktoria Plzen (11:25 pm)
14 - Viktoria Plzen hian tun season chhungin Champions League bikah goal an chhuah hnem ber tawh a, vawi 4 khelhah goal 14 ngawt mai an chhuah tawh a ni.
24 - CSKA Moscow in Champions League bika first XI a an chhawp chhuahte kum chawhrualin an naupang ber a, kum 24 leh ni 20 ang velin an player te kum hi a chawhrual theih a. Viktoria Plzen player te chu an upa ber thung a, an kum chawhrual hian kum 29 leh ni 309 ang vel an ni.

Bayern Munich vs Benfica (1:30 am)
9 - Bayern Munich hi Benfica lakah an la tlawm ngai miah lo a, vawi 9 an inkhelh tawhah Bayern hi vawi 6 an chak tawh a, vawi 3 an inhnehtawk tawh bawk a ni.
49 - Robert Lewandowski chuan Champions League game 76 khelh tawhah goal 49 a thun tawh a, goal 50 thun turin vawi khat thun belh chiah a ngai tawh a. Zaninah Polish striker hian goal a thun theih chuan goal 50 thun rang ber pathumna a ni dawn a, goal 50 thun tling thei hi player paruk chiah an la awm a ni.

Lyon vs Manchester City (1:30 am)
1 - Lyon chuan Europe khawmualpui inelnaah an khelmuala English club vawi 10 an lo mikhual tawhah vawi khat chiah mualpho an la nei a, 2001 khan an mikhual Arsenal chu 0-1 in an hneh lo a. Hemi tih lohah hi chuan vawi 3 an chak a, vawi 6 an inhnehtawk a ni.
12 - Manchester City chu tun season chhungin Champions League bika goal thun hnem ber an ni mek a, game 4 khelh tawhah goal 12 ngawt an thun tling tawh a ni.

Hoffenheim vs Shakhtar Donetsk (1:30 am)
12 - Hoffenheim chuan Europe khawmualpui inelnaa game 12 an khelhah goal an la thun ziah a, an goal pawh an la venghim lo ziah bawk.
14 - Shakhtar Donetsk chuan Champions League game 14 an khelhah goal venhim an la nei miah lo a, heng game 14 ah te hian goal 30 ngawt an chhuah tawh a ni.

Roma vs Real Madrid (1:30 am)
2 - Real Madrid chu tun hnaia Champions League away game vawi 4 an khelh hnuhnunah vawi hnih an tlawm tawh a, a hma game 26 chhungin vawi 18 an chak a, vawi 7 an in draw a, vawi khat chiah an tlawm thung.
13 - Season hmasa tir atang khan Cristiano Ronaldo (16) chiah chu Roma striker Edin Dzeko (13) aia Champions League goal thun hnem thei a ni.

Juventus vs Valencia (1:30 am)
0 - Juventus chuan an khelmualah Manchester United an hneh lo a, European competition bikah hian an khelmualah a zawna chak loh an la nei ngai lo.
32 - Cristiano Ronaldo chuan Champions League bikah team hrang hrang 32 lakah goal a thun tawh a. Valencia laka goal a thun leh a nih chuan Raul a nihrual thei dawn a, Raul chuan team hrang hrang 33 lakah goal a thun thei a ni.