26 May 2015 02:22

Zaua NicoGaitan

Champions League leh Europa bihchianna

Football fans ten kan ngaihhlut em em Champions League leh Europa season thar a khel tur te chu an chiang chho ta a, dan neuh neuh a awm avangin chiang zawkin sawi zau na nei ang aw.

League hrang hrang atanga Champions League leh Europa League khel thei tur tehna lian ber pakhat chu coefficient ranking hi a ni a, league hrang hrang zing a coefficient ranking a point hmu sang te chuan Champions League emaw Europa League khel thei tur an thawh hnem thei a, point hmu tlem ten quota an nei tlem veleh mai bawk.

Entirnan UEFA coefficient ranking ah hian Spainish League, La Liga chuan point a hmu sang ber mek a, Champions League ah club pa 4 (League a pa 4-na in qualifying round/play-off an khel ang) an thawh dawn a, an ni ang chiah hian ranking a pahnihna leh pathumna a awm Premier League leh Bundesliga te atangin club pa 4 (Pathum in group stage an lut sa, pakhat in qualifying round/play-off an khelh a ngai) in Champions League an khel thei ang a. Hetihlai hian UEFA league coefficient ranking a pa 4-na a awm mek Serie A chuan club thum chiah an thawh thei dawn a, chutiang ang zelin league hrang hrangin point an hmuh dan a zirin Champions League khelh theihna quota an nei tlem thla telh telh a ni.

Point an pek dan hi tun hnai season 5 chhung a ram hrang hrang league te European Competition a an chet that dan a zirin point an pe thin a, tun hnaiah Germany club te an rawn chet that em avangin pathumna ah an in vawrh kai a, Serie A lam erawh an tla hniam thung.


League hrang hrang atanga Champions League season thar a khel thei chiang tawh te :

SPAIN (3): FC Barcelona*, Real Madrid CF, Club Atlético de Madrid

ENGLAND (3): Chelsea FC*, Manchester City FC, Arsenal FC

GERMANY (3): FC Bayern München*, VfL Wolfsburg, VfL Borussia Mönchengladbach

ITALY (2): Juventus*, TBC

PORTUGAL (2): SL Benfica*, FC Porto

FRANCE (2): Paris Saint-Germain*, Olympique Lyonnais

RUSSIA (1): FC Zenit*

NEDTHERLANDS (1): PSV Eindhoven*

UKRAINE (1): FC Dynamo Kyiv

BELGIUM (1): KAA Gent

TURKEY (1): TBC

GREECE (1): Olympiacos FC

UEFA Europa League winners (1): TBC

Play-off winners (10): TBC

**TBC = Game khelh zawh/khelh loh ala nih avanga la hriat loh te.**


Champions League/ Europa an khelh theih dan chi dang te :

1. Europa Legue a champion in play-off khelh kher ngai lovin season tharah Champions League group stage an lut thei nghal dawn a, a chhan chu Champions League finalist pahnih Juventus leh Barcelona in season tharah Champions League an khelh dawn chian tawh vang a ni a, chuvangin Europa League finalist pahnih, FC Dnipro Dnipropetrovsk leh Sevilla FC te zing a Champion zawk zawk in season tharah Champions League group stage an lut sa dawn tihna a nih chu.

2. Europe a league lian zual 12 ah an mahni ram chhung a cup competition a champion theuh te chuan season tharah Europa an khel thei dawn a, he thilah hian dan thar siam tawh in Champion team in Europa League emaw Champions League lo khel thei sa pawh ni mahse runner-up hnenah Europa khelh theihna quota hi pek a ni tawh ngai lova, League lamah sawn phei a ni ta zawk ta a ni.


League lian zual te dinhmun tarlang ila :

Spain :

La Liga a champion Barcelona bakah Real Madrid leh pathumna a awm Atletico Madrid te chuan season tharah Champions League group stage an lut chiang sa a, palina a awm Valencia in qualifying round an khelh a ngai ang.

Sevilla hi Europa League ah an champion a nih chuan Champions League season tharah an khel thei dawn kan tih tawh kha, an champion hlauh a nih chuan Spain atangin team 5 laiin Champions League an khel dawn a ni.

England :

Premier League champion ni ta Chelsea bakah Man City leh Arsenal te chuan group stage an lut nghal a, palina a awm ta Man Utd chuan Champions League group stage a lut ve turin play-off an khelh a ngai dawn.

Pa 5-na a awm Tottenham chuan Europa an khel thei dawn a, group stage atangin bul an tan ang. Europa a England in quota dang pahnih ala neih chu Inrinni lo awm tur a FA Cup result in a hril dawn a, Arsenal hi an Champion a nih chuan pa 6-na a awm Liverpool in group stage an lut nghal ang a, Southampton in thrid qualifying round atanga bul an tan a ngai ang ualify sa dawn a, Liverpool in third qualifying round atanga an khelh chhoh a ngai ang a, pa 7-na a awm Southampton in Europa an khel ve thei lovang.

ITALY :

Serie A khelh zawh a la ni lova, game hnih khelh tur la awmah Juventus chu Champion ni tawh in Rmoe club pahnih AS Roma leh Lazio ten pahnihna nih an inchuh dawn a, Serie A a pahnihna hian Champions League Group Stage an qualify sa ang a, pathumna in play-off an khelh a ngai ang.

FRANCE :

Ligue 1 Champion PSG leh pahnihna Lyon te chuan Champions League Group Stage an qualify sa a, Monaco in third qualifying round atangin an khel tan ang.