Hugo Lloris chuan Tottenham chhuahsan a duh hran lo tih a sawi a, mahse Champions League khelh a chak thu a sawi.

French goalkeeper hi Manchester United-in an goalkeeper David De Gea thlak turin an duh tih thawm a awm a, Spanish goalkeeper hian Real Madrid a zawm dawn niin tarlan fo a ni.

Kum 28 Lloris hian kum 2012 khan Lyon chhuahsanin Spurs hi a zawm a, London club hi chhuahsan a duh hran lo va Champions League khelh tura tlinpui a duh.

France-in 4-3 a Belgium an hnehloh hnuin Lloris chuan, "Spurs player ka la ni reng. Kum 2019 thleng daih contract ka nei a, club leh ka teammate-te pawh ka zah a hemi chungchang hi chu sawi ka duh lo."

"Player chuan hmasawn turin level sang a khelh a mamawh a national team tih chak tur pawhin a ngai. Player zawng zawng hian Champions League khelh chu an duhin ka ring a, a chhan chu a level san vang ni. Hemi thleng pha tur hian kan thawk a, Champions League hi ka la khelh leh ka beisei."

"De Gea hi Manchester United keeper ala ni reng a hemi chungchang hi ka tan sawi a tul lo." tiin Sky Sports News HQ hnenah a sawi.

Lloris hian season thum chhung chu tha takin Tottenham tan a khel tawh a, game 100 chuang khel tawhin kum 2014 July thla khan kum nga daih contract a ziak thar nghe nghe a ni.