Champions League Group Stage Draw bihchianna

26th August 2015, 08:08PM

Champions League 2015-16 Group Stage draw chu naktuk hian neih a ni dawn ta a, tun season atang hian dan thar an hmang tawh dawn bawk a ni.

Monaco-a draw an neih turah hian UEFA lam hian an dan thar an hmang dawn a, pot 1 chu Champions League Champion lai bakah Europe a League lian (Co-efficient point hmu sang) top 7 a league champion theuh te chu pot 1 ah an awm dawn a ni.

Europe a league lian top 7 a awm te hi England, Germany, Italy, Portugal, France, Russia leh Netherlands te niin heng ram league champion theuh te hi pot 1 ah an awm dawn a ni.

Dan thar an hma tak avang hian English club lian Arsenal, Man City leh Man Utd(lo qualify ta se) te hian League lian dang a champion team te nen group khat ah an awm dawn tihna a nih chu.

Hetiang hi pot hrang hrang a an awm dan tur a ni a, Qualifying Round atanga rawn kai te chu UEFA club coefficient a an ranking san dan a zirin pot hrang hrangah an awm dawn a, qualify tur an la hriat kimloh avangin Pot a club thenkhat te awmna tur hi tihchian ala ni theilo bawk a ni.

Pot 1: Barcelona, Chelsea, Bayern München, Juventus, Benfica, Saint-Germain, Zenit and PSV Eindhoven.

Pot 2: Real Madrid, Atlético Madrid, FC Porto, Arsenal, Manchester City

Pot 2 or 3: Sevilla, Olympique Lyonnais, Dynamo Kyiv

Pot 3: Olympiacos, Galatasaray

Pot 3 or 4: Roma, Borussia Mönchengladbach, Wolfsburg

Pot 4: Gent

Draw neih dan rules :

Club hrang hrang te Association pakhat hnuaia awm te group khatah an awm thei lovang. Entirnan FA hnuaia awm Arsenal leh Man City te an awm dun theilo.

Group Stage draw neihna ah hian 2014/2015 UEFA Best Player in Europe Awards sem a ni dawn bawk a ni.

Group Match khelh hun tur :

Matchday one, 15–16/09/15

Matchday two, 29–30/09/15

Matchday three, 20–21/10/15

Matchday four, 3–4/11/15

Matchday five, 24–25/11/15

Matchday six, 8–9/12/15

Champions League Final hi 28 May 2016 ah AC Milan stadium, San Siro-ah khelh a ni ang.

Copyright © inkhel.com 2024. All rights reserved.