Valencia chuan qualifying play-off ah Monaco an hneh takin avangin Champions League group stage an khel thei dawn ta a, tihian Champions League ah Spanish team panga kan hmu thei dawn ta. Spain hi a ram ang zawnga Champions League khel thei club panga nei thei hmasa ber an ni ta bawk.
2001 runners-up lo ni tawh Valencia hian Real Madrid, Barcelona leh Atletico Madrid te hnung an zui dawn ta a, Seviila pawh Europa League champion an nih theih avangin Champions League ah an hmel kan hmu bawk ang.
Tun Nilaithawhtan hian group stage draw neih a ni tawh dawn a, team 32 tel theihna group stage ah hian a season hmasa chiaha Europa League champion tan Uefa chuan hmun a pe tawh bawk a ni.
Valencia hi France rama an mikhual naah 2-1 in tlawm zet mahse goal belhkhawmah 4-3 in hnehna an chang thei ta thova, Manchester City striker hlui Alvaro Negredo chuan an away goal hlu tak hi a thun nghe nghe a ni.
Champions League inelna hnuhnung pasariha pali ah te Spanish team an champion theia, kumin May thla lawk pawh khan Juventus hnehin Barca an champion zo chiah bawk a nih kha.
Uefa in club coefficient a siamah Spain hian hma a la hruai zel bawk a ni.
Source: BBC