Mizoram Super League Season 1 champion Khatla TBL chuan Chaltlang Ryders hnehin MSL 2 hnehna nen bul an tan. TBL hian 92-83 a hnehna changin Chaltlang Ryders vawi thum an hnehna chiah a ni.
First Quarter tan a ni a, MSL season 2 a point hmasa ber chu TBL tana Centre-a khel Eddie-a'n a score a ni. Chaltlang lam hian champion ngei tumin player la mahse TBL game a changkang zawkin awmzia a nei zawk kan ti thei ang. Ryders captain Richard-a leh TBL player Julian-a in nawr buai deuh a, Chaltlang captain Richard-a lak chhuah nghal a ni.
TBL Coach-cum-player Mapuia'n TBL game a siam hle a, TBL player-te insiksawi vel dan a hmuhnawm thin hle. Ryders tan India tan pawha khel tawh Vishal a hnawksak a, rebounds a la thei hle. TBL lam hian Inter-State player an neih la hmang thei lo mahse Ryders an hnehna kawngah harsatna lian tham an tawk lo a tih theih a. TBL hian 1 quarter atangin 4 quarter thleng hma an hruai tluan parh a ni.
TBL tan Guard Vanlalmuana a khel tha hle a, City Police lamah Gosa leh Nelson-a lut mahse TBL game en in champion tura rinkai ber an ni kan ti thei ang. Ryders tan MSL season 2 a champion tur chuan an game plan thlak a ngaih bakah player-te fitness an ngaih pawimawh a ngai hle bawk ang.