Arsenal chuan zanin hian Olympiakos an lo mikhual dawn a, Arsene Wenger chuan chak ngei ngei ngaihna inkhel a nih tur thu a sawi.
An group match hmasaberah an lo tlawm tawh avangin he inkhel hi Arsenal tan a pawimawh dawn hle a, Emirates Stadium-a inkhel tur an nih avangin hnehna chan ngei ngei an ngai dawn a ni.
Zanin a an inkhelh tur chungchang hi Wenger hian sawiin, "Group Stage paltlang i duh chuan mahni home ah hnehna chan ngei ngei ziah a ngai thin.
"Tun dinhmunah chuan kan khelhpui te lakah home ah tlawm a thiang lo hrim hrim a ni" tiin a sawi.
Arsenal players zingah Mikel Arteta leh Mathieu Flamini te chu Leicester nen an inkhelh tumin an inhliam avangin an khel thei dawn lova, Coquelin erawh a hliam a dam fel hman a rinawm bawk a ni.