Three Lions chuan nizan khan friendly match-ah Iceland an hmachhawn a, Wembley Stadium-ah si khat faiin England an tlawm.

Wembley Stadium-ah a zawnin vawi 3 lai chak nei loin England an khel ta a, Euro khel turin an fehchhuah a ngai tawh bawk a, heti chung hian Southgate chuan a eng zawngin thil a thlir thiam tho.

Iceland an hneh loh hnuin England boss Gareth Southgate chuan, "Kan inremkhawm tha tawk lo a, player ten an theihna tak tak an lantir lo bawk a, mahse tournament lian kan khelh tur atan hian kha match kha a pawimawhin, khatiang result kan hlawhchhuak kha a tha zawk a ni.

"Ball kan chan lohin kan khel tha tawk lo, a aia thaa kan khelh a ngai. Kan that dan berin kan khel lo a, team balance tak kan neihna turin player kan enkual ve bawk a ni.

"Kan insiamthat vat vat erawh a ngai, kan nawr dan a fuh tawk lo a, kan inzarpharh zau mah mah bawk. Ball kan hloh khan kan khel a dik tawk lo bawk. Chak theihna erawh kan nei ve tho, mahse kan innawrtir nasa mah mah deuh a ni," tiin a sawi.