03 Jun 2015 03:39

Serchhip Chelsea

Celtic defender thar Boyata.

Scottish club Celtic chuan Manchester City atangin Belgian defender Dedryck Boyata an lalut a, kum li daih contract an ziahpui.

Kum 24 mi Boyata manah Celtic hian engzat chiah nge an sen tarlan a ni lo va, mahse £1.5m vel anih rin a ni.

Boyata hian Pathianni khan Glasgow khawpui a thleng tawh a, tun nipui transfer-a Celtic-in player an lakluh hmasak ber a ni.

Tun season-ah khan Manchester City tan game ruk chiah a khel pha a, first team-ah hian khelhna hmun a chang pha meuh lo.

Boyata hi Manchester khawpuia a luh hnuin kum 2006 khan City youth team-ah a lut a, kum 2011 leh 2013 inkar khan Bolton Wanderers leh FC Twente-ahte loan-in a khelchhuak.

Belgium national team tan pawh game khat a khel tawh a, kum 2010 khan Austria an hmachhawn tumin substitute atangin a lut.