Cech PSG in lakluh an tum ve e

16th June 2015, 03:06PM

Arsenal in Chelsea goalkeeper Petr Cech lakluh an tumna kawngah PSG an lo ding ve ta rup mai le.

PSG hian kum 5 lai daih contract Cech hi ziahpui an hrehlo niin sawi a ni a, Cech-a contract turah hian £39million lai PSG hian sen a hrehlo niin Mirror lam chuan an tarlang bawk.

Kum 33 a upa lo ni ve tawh Petr Cech hi PSG lam hian karkhat a £150,000 lai hlawh turin an thlem dawn a, PSG sawmna hi a pawm a nih chuan kum 38 thlengin hlawh tha tak a nei thei dawn a, hnar chu a har ve khawp ang.

Hetihlai hian Arsenal pawh an inrintawk hle a, Cech hi London ah an chhungkua in an inbengbel tawh a, chhungkua a ram danga insawn ai chuan an inlum atanga London club tho a khelh pawh a chakawm hle bawk awm e.

Chelsea manager Jose Mourinho hian league a an elpui tur Arsenal a hralh ai chuan PSG lama Cech hi kal tir a duh a rinawm zawk bawk a, Cech hi Ligue 1 ah a mikhual tawhlo hle a, Chelsea tan a khelh hma hian Ligue 1 club Rennes ah te alo khel tawh thin a ni.

Copyright © inkhel.com 2024. All rights reserved.