"Petr Cech lakluh duh anga insawi te zingah hian club tinah player duh ka nei vek" tiin Jose Mourinho chuan a sawi.

Chelsea a hmun chang hleithei tawhlo Petr Cech hian Chelsea a chhuahsan mai dawn niin a lang ta a, club hrang hrang pawh an rawn lang leh tan ta bawk.

Kum 33 laia upa ni ve tawh Petr Cech hi kum 11 lai Chelsea ah awm tawh Cech hian kum 23 a upa Thibaut Courtois lakah a dinhmun a chan tawh a ni.

Cech hi Arsenal nen sawizawm mek a ni a, Mourinho-a'n player inthleng ang zawnga a sawi avang hian Arsenal lam atangin a player duh thin em em ni a sawi Theo Walcott leh Alex Oxlade-Chamberlain te chu a beisei let ve niin a ngaih theih awm e.

Chelse siban nghaktu ropui Petr Cech hian Chelsea tan game 494 lai khel tawhin Premier League ah vawi 4 lai Chelsea a champion pui tawh a, Champions League leh Europa ah te Chelsea a champion pui tawh bakah FA Cup vawi 4, League Cup vawi 3 ah te Chelsea a champion pui tawh bawk a ni.