Chile defender Gonzalo Jara chu kar hmasa ningania Uruguay nen Copa America quarter final match-a a chet mawi loh avangin South American football governing body Conmebol chuan match thum a hrem ta.

Si khat faia Chile-in Uruguay an hneh tum khan Jara hian Cavani mawng a kawm a, chumi chu duh lovin Cavani chuan Jara hi a beng a, referee chuan Cavani chu yellow card pahnihna pein a hnawtchhuak ta si a. Uruguay an chak loh phah ta, kha thil thleng kha inkhelh zawhah ennawn a ni leh a, thu neitute chuan Jara chu $7,500 (£4,780) an chawi tir bakah match thum an hrem a.

Copa America-ah a hmel kan hmu thei tawh dawn lova. Chile-in World Cup qualifying an khelh tur game hmasa berah a khel thei dawn lo bawk a ni. South American football governing body Conmebol chuan Jara chet dan kha "unsporting behaviour" tiin an hrem ta a ni.