PSG player pahnih David Luiz leh Edinson Cavani te chuan November ni 13 zana misual ten Paris an beih avangin an khelhna club-a kir leh duh rih loh thu an sawi chhuak.
Zirtawp zan khan terrorist-te chuan Paris khawpui an bei a, mi 129 laiin nunna an chan phah. ISIS te chuan kha pawi khawihna kha an tih a nih thu an puang tawh bawk a. Paris khawpui chu a ralmual lo hle, hengte a nih avangin David Luiz chuan a eizawnna chu Paris ni mahse kir leh a duh rih loh thu a sawi chhuak a.
Uruguay striker Edinson Cavani pawhin a thiante hnenah Paris-a kir leh a hlauh thu a sawi tih French newspaper L'Equipe chuan a tarlang. Cavani leh David Luiz te hi ram tan an fehchhuak mek a, Argentina nen 1-1 an inhnehtawk tum khan David Luiz hian red card a chawi a, Uruguay chuan World Cup qualifier-ah tun thawhlehni hian Chile an hmachhawn dawn. Kar tawpah an eizawnna lama kir leh tura tih an ni a, PSG hi an buai dawn em tih khawvel chuan a thlir thup a ni.