Pathiannia an inkhelha chak lo zawk Cleveland Cavaliers chuan an game 2-naah Indiana Pacers chu 100-97 in an hneh a, game 5 khelh turah 1-1 in an inhnehtawk ta rih a ni.

LeBron James chu team pahnih player te zinga point 13 score tling hmasa ber niin, Cavaliers tan hian point 16 a thun tling hmasa ber bawk a, field goal attempt vawi 8 a neihah vawi 7 a thun a, Cleveland chuan inkhel an thunun zawk a.

James hian regular season leh playoff chhiar tel vekin game 1,362 a khel tling ta chiah a, inkhelh tan atanga minute 5 chhunga point a score hnem ber tum a tawng bawk a. A tir minute 6 chhung lekin point 16 a thun hman a, season 20 chhungin playoff bikah chuan a tir second 6 chhungin heti zat thun thei hi an la awm lo.

He inkhelah hian LeBron hian point 46 zet a thun a, season tawpa point 40 aia tam a thun vawi 20-na niin, Jerry West nen pahnihna dinhmun an hauh thei ta chiah a. Point 40 score hnem lamah hian tluk loh pakhat chiah an nei a, chu chu vawi 38 zet lo score tling tawh Michael Jordan a ni.

Cavaliers hian inkhel an thunun chho viau a, mahse third quarter velah Pacers chuan tan an la a, Oladipo chuan point 22 score tlingin Cleveland chu an hnaih chho ve ta zel a, an inthlauhna pawh point 5 chauh te a ni tawh a.

Fourth quarter an khelh leh hnu chuan an inhnaih leh zual a, point 3 chauhin Cavaliers hian hma an hruai tawh a, nihrual theihna hun an nei a, mahse Oladipo chuan 3-pointer a thun thelh hlauh a, an hun tha neih an bawh pelh ta a ni.