06 Jun 2016 07:32

Inkhel

Mizo Sports Website hmasa ber

​Catalunya Grand Prix-ah Rossi pakhatna

Pathianni tlai khan Barcelona-ah Catalunya Grand Prix tlan a ni a, pangana atanga bul tan Valentino Rossi chu pakhatna a ni a, tun season-ah vawi hnih pakhatna a ni ta a ni.

Intlansiak hmuhnawm takah Rossi leh Marquez-te an inel hle a, a tawp dawn thlengin an inlehpel zak zak, a tawpah tawnhriat ngah zawk Rossi chu pakhatna a ni ta a ni.

Catalunya Grand Prix-ah hian Dani Pedrosa pathumna a ni a, Maverick Vinales chu palina niin, Pol Espargaro chu pangana a ni. Rider-te hian an t-shirts ah Luis Salom hriatrengna thuziak an pholang a, Luis Salom hi zirtawpnia Moto2 practice an neih tumin a chesual a, a thi ta a ni.

Intlansiak vawi 7 atangin Championship-ah Marquez chuan 125 points neiin hma a hruai a, Lorenzo chuan point 10 in Marquez hi a thlau a, pahnihna a ni. Rossi chuan 103 points neiin point 22 in Marquez hi a thlau mek a ni.

Rossi hian bul a tan tha lo hle a, pasarihnaah a tla thla a, hetih lai hian lap 7 atangin hma a hruai chho tan ta a ni. Marquez chuan a um ngar ngar a, lap 5 la awmin a rawn pel chho tan a, rider pahnihte hi season hmasaah an inum na hle a, Barcelona-ah pawh hian an inum na leh hle, Marquez chuan a pel zauh zauh a, mahse lap 2 la awmin turn 9-ah Marquez a kual zau deuhva, Rossi chu a fal chhunzawm a, umphak ngaihna a awm tawh lo, pakhatna a ni ta a ni.

Lorenzo erawh tlan tha hle mahse lap 17-ah Ducati rider Andrea Iannone chuan kualah a hnawl chhuak a, a tlan chhunzawm thei ta lo, an chetsual danah Andrea Iannone chu a thiam lo zawk a ni a, season tir lama a team-mate a hnawl chhuah chungchangah pawh dem kai a ni a, Barcelona-ah pawh fimkhur lo takin midang a ti tlu leh ta a ni.

MotoGP 2016: Catalunya Grand Prix Result

1. Rossi

2. Marquez

3. Pedrosa

4. Vinales

5. Pol Espargaro

6. Cal Crutchlow

7. Anrea Dovizioso

8. Bautista

9. Petrucci

10. Barbera

11. Jack Miller

12. Dradl

13. Laverty

14. Rabat

15. Pirro

16. Redding

17. Yonny

Pictures Credit : AP