16 Jun 2019 09:24

inkhel

Catalunya-ah Marc Marquez pakhatna a ni

Marc Marquez chu Pathiannia Catalunya MotoGP ah a vannei hle a, a team-mate Jorge Lorenzo chetsual zarah pakhatna a ni a, hma a hruai fal zel a ni.

Intlansiak an tan a, an tlan tan chiah a, a ding hma ber, kum 20-a upa Quartararo chuan bul a tan fuh lo hle a, pariatnaah a awm nghal a. Lap hmasa berah chuan boruak danglam a awm vak lo a, lap hnihna an tlan mek tihin buaina a thleng a. Jorge Lorenzo chu a chesual a, a chetsual hi Andrea Dovizioso, Valentino Rossi leh Maverick Vinales te tan pawh a pawi hle a, an tlan chhunzawm thei ta bik lo.

Heta buai deuh nuaih lakah hian Marc Marquez chu a him thei hlauh mai a, a tan vanneihna hun a inher chhuak a ni ber a. Hma a hruai zui theih phah a, a tawp thlengin lehpeltu an awm ta lo a, pole position atanga bul tantu Fabio Quartararo chu pahnihna niin, Danilo Petrucci chu pathumna a ni.

Alex Rins chu palina niin, a hnungah hian Jack Miller leh Joan Mir te an awm a. Pol Espargaro chu pasarihna niin, Takaaki Nakagami chu pariatna a ni bawk.

Champion lai Marquez hi tun season-a vawi sarih intlansiak tawhah vawi li chu a chak ber a ni tawh a, Catalunya-ah a chak leh avangin a pumpuiah a sang fal zel a. Amah hnaih bertu Andrea Dovizioso aiin point 37 in a sang tawh a ni.

Tun season chhunga intlansiak vawi riatna chu June 30 khian an nei dawn a, Assen, Netherlands ah an intlansiak ang.

Catalunya MotoGP Result
1. Marc Marquez, Repsol Honda
2. Fabio Quartararo, Petronas Yamaha
3. Danilo Petrucci, Mission Winnow Ducati
4. Alex Rins, Suzuki Ecstar
5. Jack Miller, Pramac Ducati
6. Joan Mir, Suzuki Ecstar
7. Pol Espargaro, Red Bull KTM Factory
8. Takaaki Nakagami, LCR Honda
9. Tito Rabat, Reale Avintia Ducati
10. Johann Zarco, Red Bull KTM Factory
11. Andrea Iannone, Factory Aprilia Gresini
12. Miguel Oliveira, Red Bull KTM Tech3
13. Sylvain Guintoli, Suzuki Ecstar

DNF
Cal Crutchlow, LCR Honda
Franco Morbidelli, Petronas Yamaha
Francesco Bagnaia, Pramac Ducati
Hafizh Syahrin, Red Bull KTM Tech3
Valentino Rossi, Monster Yamaha
Andrea Dovizioso, Mission Winnow Ducati
Maverick Viñales, Monster Yamaha
Jorge Lorenzo, Repsol Honda
Aleix Espargaro, Factory Aprilia Gresini
Karel Abraham, Reale Avintia Ducati
Bradley Smith, Factory Aprilia Gresini

MotoGP World Standing

1. Marc MARQUEZ, Honda - 140
2. Andrea DOVIZIOSO, Ducati - 103
3. Alex RINS, Suzuki - 101
4. Danilo PETRUCCI, Ducati - 98
5. Valentino ROSSI, Yamaha - 72
6. Jack MILLER, Ducati - 53
7. Fabio QUARTARARO, Yamaha - 51
8. Takaaki NAKAGAMI, Honda - 48
9. Pol ESPARGARO, KTM - 47
10. Cal CRUTCHLOW, Honda - 42
11. Maverick VIÑALES, Yamaha - 40
12. Franco MORBIDELLI, Yamaha - 34
13. Aleix ESPARGARO, Aprilia - 27
14. Joan MIR, Suzuki - 22
15. Jorge LORENZO, Honda - 19
16. Johann ZARCO, KTM - 16
17. Miguel OLIVEIRA, KTM - 12
18. Andrea IANNONE, Aprilia - 12
19. Michele PIRRO, Ducati - 9
20. Francesco BAGNAIA, Ducati - 9
21. Tito RABAT, Ducati - 9
22. Stefan BRADL, Honda - 6
23. Sylvain GUINTOLI, Suzuki - 3
24. Karel ABRAHAM, Ducati - 2
25. Hafizh SYAHRIN, KTM - 2
26. Bradley SMITH, Aprilia - 0