Season bul tan tha em em lo mahse Bayern Munich chuan an ze ngai an rawn chhuah chho leh ta a, Borussia Dortmund chuan league hma hruai zauh mahse a zawna an khingpui an inhnehtawk pui avangin hmahruaitu an ni thei ta lo.
Nizan khan Bortmund chuan Darmstadt 2-2 in an inhnehtawk pui a, Darmstadt tan Marcel Heller chuan 17th mins-ah goal a khung , he goal hi Pierre-Emerick Aubameyang chuan 63rd mins-ah Dortmund tan a rul a, 71st mins-ah Pierre-Emerick Aubameyang bawk hian Dortmund goal khung lehin, 2-1 in an chak tawh dawn emaw tih laiin Darmstadt tan Aytac Sulu chuan hun tawp dawnah goal a khung ve leh si a, 2-2 in an inhnehtawk ta a ni.
Pierre-Emerick Aubameyang hian tun season Dortmund game 12 atangin goal 12 a khung ta ! Tin, Bundesliga opening match 7-a goal khung vek thei awm chhun a ni bawk. Inrinni zan khan Bayern Munich chuan si thum faiin Mainz an hneh a, Thomas Muller chuan penalty pet goal lo mahse Robert Lewandowski chuan goal hnih a rawn khung a.
51st mins-ah Robert Lewandowski hian a goal hmasa zawk a khung a, 63rd mins-ah a goal hnihna a khung. Bundeslina-ah Robert Lewandowski hian goal 101 a khung tling ta der mai le. 68th mins-ah Kingsley Coman chuan Bayern Munich goal thumna a khung a, 3-0 in Munich chu an chak ta a ni.
Eintracht Frankfurt 1 - 1 Hertha Berlin
Borussia Dortmund 2 - 2 Darmstadt
FC Cologne 1 - 1 Ingolstadt
Augsburg 1 - 3 Hoffenheim
Mainz 05 0 - 3 Bayern Munich
VfB Stuttgart 1 - 3 Borussia Moenchengladbach
Werder Bremen 0 - 3 Bayer Leverkusen
Wolfsburg 1 - 1 Hannover 96
Hamburger SV 0 - 1 Schalke 04