September 26th leh 27th 2015 hian Buddh International Circuit ah National Motorcycle Racing championship 5th Round neih a ni a. MiMSA riders pathum..Malsawmdawngliana S/O Lalduhawma, Kanan Veng,
Rinthara Pachuau S/O Dr. Rintluanga Pachuau, Venghlui leh Lalrengpuia S/O RL Thanzuala , Venghlui ten racing an hmachhawn a, an result tlangpui chu hetiang hi a ni.
Malsawmdawngliana hi TVS Apache RTR 180 Novice Class ah a tlan a.
Qualifying lam ah atlan tha hle a, pole position chang in Race 1 chu 2nd position ah a tlan thleng thei a. Race 2 ah hian hma a hruai lai in a tlu palh hlauh a mahse, bike chu rang taka thungtho leh in a hma a tlan te chu a va lehpel leh hman vek a , tichuan midang tlu awmve chuan Red Flag a kochhuak ta a, Race chu tihtawp lailawk a ni ta a.
Race 2 hi tlan thatleh ni in , Race an tihtawp hma a an position timing nen a belhkhawm in Race position hi aggregate a lak a ni ta a. Tichuan, Race an Red Flag hma leh Red Flag hnu a timing belhkhawm chuan Malsawmdawngliana chu Race 2 ah chuan pakhatna a ni ta a ni.
Lalrengpuia Pachuau pawh hi Malsawmdawngliana tlan na class ah tho a tlan ve a , a ni vethung hian 7th position atangin race a tlan tan a, Race 1 chu position hnih a hmasawn in 5th position ah a tlanzo ta a ni.
Race 2 hi Lalrengpuia hian vanduaithlak takin lap khat chuah a tlan tluan a , result a nei ve talo a ni.
Rinthara Pachuau vethung hi chu Honda CBR 150 Novice Class ah a tlan a.
Race 1 hi 12th position atang a bul tan in a bultan na position 12th position ah tho a tlan thleng a ni.
Race 2 ah erawh a vanduai ta a , race a tlan tluan thei talo a ni.
Buddh International Circuit hi , kan ram a race track kan neih that ber a ni a, F1 car te hial pawh an lo tlan ve tawhna track a ni a,track thui zawng hi 5.14 km lai a thui a ni a, Rinthara Pachuau leh Lalrengpuia te hi National Motorcycle Racing lam a la mikhual tak an ni a , Buddh phei chu an vawikhat hmuhna a ni a , heting result hi track vawikhat tlan na a an neithei mai hi MiMSA in kan chhuang hle a ni.
Malsawmdawnglian erawh hi chu National Motorcycle Racing ah hian a mikhual lo hle a, track hrang hrang ah trophy a la kim vek tawh a mahse, tun tum hi 1st position a lak vawikhatna a ni a, MiMSA in an zavai hian race an hmachhhawn leh zel natur ah duhsakna sang ber kan hlan nawn leh e.
source : Van Lalmuana