British wrestler Chinu Sandhu chu damdawi hman phal loh a lo hman avangin kum 4 chhung hrem a ni. Sandhu hian kum 2014 Commonwealth Games khan 125kg men's freestyle-ah Britain tan Bronze medal a hlawhchhuak a, a tum reng vanga damdawi hman phal loh hi hmang a nih loh thu a sawi.

UK Anti-Doping chief executive Nicole Sapstead chuan, "A thiltih avanga a hmingthatna tih bawrhbana a awm hi thil pawi tak a ni. Dik lo taka thil tih an tum emaw tum lo emaw an taksaa lutn hi chu anmahni thu liau liau a ni. Damdawi reng reng hi hman phal loh zingah an tel thei vek a, thil pawi thlen thei vek a ni," tiin Sandhu-a insawi thiamna chu a pawm loh thu a sawi.

Sandhu thisen hi nikum Spetember thlaa endik a nih angin a hremna pawh hi nikum September thla atangin a intan a, October 2020 thleng hrem a ni ang.

British Wrestling Association chief executive Colin Nicholson chuan, "Infiammi leh he infiamna(Wrestling) tan hian thil pawi tak a ni. UK anti-doping agency nen infiammi-te zirtirna kan pe mek a, British Wrestling Association chuan damdawi hman phal loh hmangte hi kan hrethiam ngai lo ang." tiin nasa zawka infiammite zirtirna pek an tum thu a sawi.