British GP-ah Sebastian Vettel a tlan chak ber

09th July 2018, 02:07AM

Formula 1 British Grand Prix-ah Sebastian Vettel chu pakhatna ni a, amah hnaih bertu Lewis Hamilton chu pahnihna a ni a, Vettel leh Hamilton inkarah hian point 8 a awm mek a ni.

Mahni rama tlan a ni bawk a, Hamilton chuan beiseina a nei sang hle a. Qualifying-ah pawh a che tha ber a, intlansiak pawh pole position atangin a tan nghe nghe a. Mahse, Hamilton hi a che fuh lo nghal hle a, pahnihna atanga tlan tan Ferrari driver Vettel chuan a lehpel a, Ferrari driver pakhat zawk Kimi Raikkonen chuan Turn Three-ah Hamilton hi a su a, Hamilton hi 18-naah a awm phah a.

Thuneitute chuan Raikkonen chu thiamloh an chantir a, second 10 chhung an hrem a. Hamilton chu theihtawp chhuahin a rawn tlan leh a, mipui 1,25,000 zette chuan lap tinah an lo au dur dur reng bawk a, hma pawh a sawn chak hle a. Formula 1 a luhchilh tawh china a la chet ropui ber tum a ni hial awm e.

Lap tinah hma a sawn chho deuh char char a tih theih a, lap 4 an tlan zawh chuan 18-na atangin 14-naah a chho hman a, lap 6-ah chuan 10-na niin, lap 10-ah chuan 7-na a ni hman tawh a. Lap 14-ah a car sutu Raikkonen chuan pit lane-ah an hremna a hmang a, hei hi remchangah lain Hamilton chuan a rawn lehpel a.

Hamilton hian a tyre a thlak a, paruknaah a awm leh phah a, Raikkonen aiin second 11 zetin a hnung leh ta bawk a. A hnuah Marcus Ericcson a chetsual avangin safety car a tlan chhuak a, car dangho chu pit lane-ah an lut hlawm a, mahse Mercedes chuan pit-a lut deuh chauh Hamilton leh Bottas te chu an tlan chhunzawmtir zel a, an tifuh hle a. Hamilton chu pathumnaah awmin, a hmaah hian Vettel leh Bottas te an awm a ni.

Lap 38-ah Romain Grosjean chu a chesual ve leh a, Carlos Sainz a su a, safety car a tlan chhuah leh a ngaih phah a. Lap 10 chiah a awm tawh a, pangngai takin intlansiak an chhunzawm leh a, Mercedes car pahnih leh Ferrari car pahnihte an inbei a ni ber tawh.

Hamilton chuan Raikkonen a dang chho a, Bottas pawhin Vettel chu a theihtawpin a lo dang bet ve bawk a. Mahse, Bottas hian lap 47-ah Vettel chu a dang zo ta lo a, Ferrari driver hian hma a hruai zui ta a. Bottas hi a tyre a chhiat tan deuh avangin a tang mar thei ta vak lo a, a teammate Hamilton pawhin a rawn lehpel ve leh a. A hnuah Raikkonen pawhin Bottas chu a lehpel ve leh bawk a, Ferrari car pahnih inkarah Mercedes car chu a tawp thlengin a awm a, Bottas chu palina a ni.

Drivers’ championship-ah Ferrari driver Sebastian Vettel hian point 171 hmuin hma a la hruai a, Mercedes driver Lewis Hamilton chu pahnihna niin point 163 a hmu a, point 8 in an inthlau mek a. Ferrari driver pakhat Kimi Raikkonen chu pathumna a ni a, point 116 a hmu a, palinaah point 106 hmuin Red Bull driver Daniel Ricciardo a awm a, Mercedes driver pakhat Valtterri Bottas chuan point 104 a hmu a, pangana a ni.

Race result

1 Sebastian Vettel - Ferrari

2 Lewis Hamilton - Mercedes

3 Kimi Räikkönen - Ferrari

4 Valtteri Bottas- Mercedes

5 Daniel Ricciardo - Red Bull

6 Nico Hülkenberg - Renault

7 Esteban Ocon - Force India

8 Fernando Alonso - McLaren

9 Kevin Magnussen - Haas

10 Pierre Gasly - Toro Rosso

11 Sergio Pérez - Force India

12 Stoffel Vandoorne - McLaren

13 Lance Stroll - Williams

14 Sergey Sirotkin - Williams

Drivers’ Championship

1 Sebastian Vettel Ferrari 171

2 Lewis Hamilton Mercedes 163

3 Kimi Räikkönen Ferrari 116

4 Daniel Ricciardo Red Bull Racing 106

5 Valtteri Bottas Mercedes 104

6 Max Verstappen Red Bull Racing 93

7 Nico Hülkenberg Renault 42

8 Fernando Alonso McLaren 40

9 Kevin Magnussen Haas 39

10 Carlos Sainz Renault 28

11 Esteban Ocon Force India 25

12 Sergio Pérez Force India 23

13 Pierre Gasly Toro Rosso 19

14 Charles Leclerc Sauber 13

15 Romain Grosjean Haas 12

16 Stoffel Vandoorne McLaren 8

17 Lance Stroll Williams 4

18 Marcus Ericsson Sauber 3

19 Brendon Hartley Toro Rosso 1

20 Sergey Sirotkin Williams 0

Constructor Standings

1 Scuderia Ferrari 287

2 Mercedes AMG Petronas Motorsport 267

3 Aston Martin Red Bull Racing 199

4 Renault Sport Formula One Team 70

5 Haas F1 Team 51

6 Sahara Force India F1 Team 48

7 McLaren F1 Team 48

8 Red Bull Toro Rosso Honda 20

9 Alfa Romeo Sauber F1 Team 16

10 Williams Martini Racing 4

Copyright © inkhel.com 2024. All rights reserved.