Point 5 laiin pahnihna Chelsea lakah an fal, 2013/14 season khan Liverpool chu champion thei dinhmunah an ding mek. Anfield-ah Chelsea an mikhual a, mahse captain Gerrard a tlawhthlu hlauh mai, a goal phah zui.
Kha match-ah khan chak ngat selang chuan kha season-ah khan an champion ngei awm si a, mahse si hnih faiin an chak ta lo a nih kha. Kha match chungchang kha Steven Gerrard chuan a la sawi chhuak ngai lo, a lehkhabu tlangzarh "My Story" tihah chuan an boss Brendan inringtawk lutuk khan a game a tih chhiat thu a sawi !
"Mipui hmaa kha thil kha ka la sawi chhuak ngai lo. Chelsea kha hneh thei kan ni, mahse Brendan khan team talk a neih tum khan a inringtawk lutuk a, a over-confident a, Chelsea kutah kan tlu lut ta zawk a ni. Kha kha ka hlauh em em a ni reng a," tiin Gerrard chuan a sawi.
Kha match dawtah khan Crystal Palace si thum faiin an hneh dawn emaw tih laiin Selhurst Park ah khan 3-3 in Palace khan an rawn inhnehtawk pui leh ta bawk si a. An match hnuhnung berah hnehna chang mahse a tawk zo ta lo, Manchester City khan trophy an chawi ta a nih kha.