Brazilian zinga UCL goal thun hnem ber Neymar

29th November 2018, 10:11PM

Paris Saint-Germain leh Liverpool te inkhelhin Neymar chuan goal khat a thun a, Brazilian footballer zingah chuan UEFA Champions League a goal thun hnem ber a ni ta.

Neymar hian PSG tan Champions League game 12 khelhah goal 10 a thun tawh a, Barcelona tan khan Champions League game 40 khel hmanin goal 21 a thun bawk a. Heti hian Kaka chu lehpelin, Brazilian player zingah chuan Europe khawmualpui inelna sang bera goal thun hnem ber a ni ta a ni.

Liverpool lama goal a thun chiah khan Neymar chuan Champions League goal 30 thun thei Samuel Eto’o leh Wayne Rooney te chu a lehpel a, goal 31 a thun tling ta a, goal 33 thun tawh Edinson Cavani hnuai chiahah a awm mek a ni.

Cristiano Ronaldo chu Champions League goal thun hnem ber a ni mek a, goal 121 ngawt mai a thun tawh a, a hnuai chiahah hian Lionel Messi chu awmin goal 106 a thun tawh bawk a. Raul chu pathumnaah awmin goal 71 a thun tling a, a hnuaiah hian Karim Benzema (59) leh Ruud van Nistelrooy (56) te an awm bawk a ni.

Robert Lewandowski chuan goal 51 a thun tawh a, hun rei tak lo chawl tawh Nistelrooy chu a lehpelh theih ngei a rinawm hle.

Copyright © inkhel.com 2024. All rights reserved.