Mizo zingah Brazilian Jiu-Jitsu (BJJ) leh MMA lama tui kan pung zela, heng tui mite tan hian thu lawmawm a awm leh ta.

SPES Martial Arts gym, Dawrpui chuan a hmaa an lo tih tawh angin BJJ instructor an chah chhuak leh dawn a, Resource person hi BJJ association lian tak Jiu-Jitsu International-a Director a ni.

Resource person hi a theuneu lo hle a, jiu-jitsu practitioner lar Carlos Gracie Jr. (Gracie Barra) hnen atanga black belt dawng ngat niin, black belt pakhat leh brown belt dang pakhatin an rawn tawiawm bawk dawna, USA leh Brazil atanga lo kal tur an ni hlawm.

BJJ leh Muaythai te hi khawvela combat games thang chak berte zing ami an ni a, MMA-a an tangkai zia chu sawi tam a ngai lo. India ramah BJJ black belt pakhat chauh kan la nei a, hetianga resource person tha kan nei thei tur leh belt grading exam kan nei thei tur hi Mizo-te kan vannei hle a ni.

He event hi MISMA (Mizoram State MMA Associatoin ) leh JAM (Ju-Jitsu Association of Mizoram)-in an hriatpui mai bakah an thlawp dawn a, seminar hi kar hnih chhung ni dawnin, seminar fee hi Rs. 3000 a ni ang.