22 Aug 2019 11:54

bakteaJr.

Mizo tlangval

​Boxing: IBF Middleweight title inchuh tur a hriat ta

Tunah hian IBF Middleweight title kawltu an awm lova, tun thla tir khan he title kawltu hnuhnung ber Canelo Alvarez chu a title hlihsak a ni.

IBF midddleweight title inchuh tur hi an inrinsiak nasa hle a, tunah erawh a inchuh turte a chiang tawh a, IBF middleweight champion hlui Gennady Golovkin leh Sergiy Derevyanchenko-te chuan kumin October ni nga hian New York, Madison Square Garden-ah IBF Middleweight title hi an inchuh dawn.

Unified champion hlui Golovkin hi nikum June thla khan a IBF middleweight title hi chhuhsak a lo ni tawh a, kumin an title kawl thin lak kirna hun nei mekin, a fight leh tur chu IBF middleweight title inchuhna a nih tur thu hi a man a sawi chhuak.

Golovkin leh Derevyanchenko-te hi inhnek tur an ni sa a, tun hnaiah IBF middleweight inchuhna a ni dawn tih hi puan a ni. Golovkin chuan, “Ka in tak tak nilo ah chuan Madison Square Garden hi kan in tluka ka ngaih a ni tih mi zawng zawngin an hria a, he hmuna ka inhnek leh tur aia phurawm hi a awm chuang lo.

“October ni 5-ah fight hmuhnawm tak a thleng dawn a, ring chhung ka luh apiang hian ka fan-te hi an hmuh duh tak hmuh tir ka tum thin, a chhan chu an phu a ni. He fight hi a hmuhnawm dawn a, en loh chi a ni dawn lo. Boxing-a in hmuh chak zawng zawng chu in hmu dawn; New York-ah kan inhmu theuh dawn nia,” a ti.