WBA Heavyweight champion lo ni tawh țhin Tyson Fury chu May ni 13 hian Boxing ring chhungah kan hmu leh dawn a, a hmachhawn tur erawh ala hriatloh.

Kum 28 mi hian kum 2015 November thlaa Wladimir Klitschko a hneh hnu khan tumah a hmachhawn leh tawh lo va, hemi hnu hian inhnek turin vawihnih inpuahchah leh mahse a inhnukdawk ve ve.

British boxer hian nikum October thla khan a hriselna chhuanlamin a boxing licence a pe kir a, Thawhțanni khan a tumpui tur an zawng mek tih thuthar lakhawmtute hnenah a sawi.

British Boxing Board of Control chuan Fury hrem lai ala ni reng tih BBC an hrilh a, an hremna hi an hlih hma chuan inhnek an phalsak lo.

Fury promoter Frank Warren chuan Twitter-ah Klitschko unau thuneihna titawptu Heavyweight Lalpa chu a lallukhum nei let leh turin a lokir tih a tarlang.

Nikum October ni 3 khan Fury hian Twitter-ah boxing a chawlhsan thu a puang zuk a, a hnu lawkah a thu tarlan hi a sut lehnghal

Boxing a chawlhsan hman zuai ațanga ni kua a liam hnuin WBO leh WBA World Heavyweight kawnghren a kawl lai pawh a pe let a, a hriselna a țhat tawk loh vangin a humhim thei dawn lo tih a sawi.

Rolling Stone magazine-in an kawmnaah pawh Fury hian depression a neih țhin tih reh nan cocaine a hmang tih a sawi tawh bawk a ni.

* Pic: Reuters