​Boxing-a a sparring puiin McGregor a KO

17th July 2017, 09:07PM

August ni 26-a inhnek ropui tur vawrh larin Mayweather leh McGregor te chuan World Tour an nei mek, hetia an rik luih luih lai hian WBO Welterwight champion lo ni tawh Jessie Vargas chuan McGregor chu Boxing-a a sparring puiin a knock out niin a sawi mauh mai.

UFC lightweight champion McGregor leh Mayweather te hi boxing ring chhungah an inhnek dawn, hei vang hian McGregor chuan nasa zawkin boxing training a nei, heta a trainingpui boxer pakhat chuan McGregor hi a knock out niin Vargas chuan a sawi.

McGregor-a training pui hi tunge a nih tih erawh Vargas hian a sawi lang lova, hetih lai hian tawnhriat ngah tak a nih thu erawh sawi lan a ni, McGregor-a KO a nih chungchang hi JOE.co.uk chuan a tarlang a ni.

Copyright © inkhel.com 2024. All rights reserved.