Box office-ah FIFA film a hlawhchham.

09th June 2015, 03:06AM

FIFA sulhnu tarlanna lemchan (film) chu United States-ah a vawikhat nan tihchhuah a ni a, an chhuah kar hian $607 (£397) chiah a hlawhchhuak.

'United Passions' siam nan hian FIFA-in pawisa fai £17m an thehchhuak a, beisei a phakloh piahlamah hian sawiseltu an tam hle bawk.

He movie-ah hian Sepp Blatter lemah Tim Roth a chang a, FIFA dintu Jules Rimet lemah Gerard Depardieu a chang ve bawk.

Film siam nan hian $25m atanga $32m (£16/£21m) dah a ni a, Zirtawpni khan screen 10-ah a vawikhat nan US-ah chhuah a ni a, a hlawhchham chiang hle.

Hollywood Reporter chuan he lemchan an chhuahna pakhat Phoenix-a FilmBar cinema chuan $9 chiah an hmuchhuak tih an sawi a, mi pakhat chauhin ticket a lei tihna a ni.

'United Passions'-ah hian FIFA hruaitu hlui pathum telin an sulhnu tarlan a ni a, Blatter hma chiah a FIFA president Joao Havelange lemah Sam Neill a chang ve bawk a ni.

Copyright © inkhel.com 2024. All rights reserved.