Season thar atanga Premier League khel tur Bournemouth chuan an tumna hmasa sutin an khelmual Goldsands Stadium zauh an tum leh lo tih an sawi.

Goldsands Stadium-ah hian mipui 11,700 an leng a, season tharah hian Premier League atanga an tlakloh chuan Cherries hian an khelmual hi zauh chauh an tum.

Nikum November thla khan Bournemouth chairman Jeff Mostyn chuan BBC Radio Solent hnenah an stadium hi zauh an tum thu a sawi a, mahse Premier League dan siam dang tih puitlin tur an ngah bawk nen season thar atan chuan an khelmual hi zauh an tum ta lo a ni.

Goldsands Stadium hi Premier League-a khelmual te ber a ni dawn a, Bournemouth chief executive Neill Blake chuan Premier League-ah an in hamtang thei anih chuan an khelmual hi zauh an tum tih a sawi a an ngai pawimawh ber dawn tih a sawi bawk a ni.