Bournemouth chuan Villarreal atangin forward thar an lei dawn a, Senegal forward Nicolas Jackson la lut turin 23m euros (20.3m pound) in an inrem tawh.

Tlarhma pathumah Jackson hi a khel kual thei vek a, tun season kal mekah Villarreal tan vawi 24 inlan tawhin goal 3 a thun tawh.

Kum 21 a upa hian Bournemouth hi a zawm fel hunah chuan January thla chhunga an player lak luh pahnihna a ni dawn a, French club Lorient atangin Dango Ouattara chu pound 20m in an lo la lut tawh bawk.

Inrinni khan The Cherries te hian Nottingham Forest chu an draw avangin Premier League ah 18-na an ni mek a ni.

Jackson hian kum 2019 a Villarreal a zawm hma khan Senegalese club Casa Sports tan inkhel bul a tan a, Villarreal ah hian B team tan a khelh zet hnuin kum 2021 October thla khan senior team tan a inlan tan.

World Cup-a Netherlands nen November thlaa an inhmachhawn tum kha Senegal tana a inlanna hmasa ber a ni.

American sumdawng hausa Bill Foley-a'n thla hmasa atanga Bournemouth a enkawl hnuin an coach Gary O'Neil squad hi tihchak a tum hle a, relegation zone atanga talchhuahpui a tum a ni.