3-0 laia Miami Heat-in hma an hruai hnuah, Boston Celtics chuan game hnih hnehna an chang ve leh ta a, NBA Eastern Conference Finals series chu 3-2 a ni ta e.

May ni 26, 2023 (Zirtawpni) zingah khan Game 5-na khelh a ni a, Boston Celtics chuan 110-97 in hnehna an chang.

Vawi khat Miami an chak a nih chuan NBA Finals an lut a ni tawh mai si a, Boston tan Finals lut tur chuan chak chhoh vek a ngai tawh. Game 5-ah hian Celtics hi an chungnung hle.

1st quarter atangin bul an tan tha nghal a, 35-20 in Celtics-in quarter hmasa ber an la, half time a nih chuan 61-44 in hma an hruai, 3rd quarter-ah Heat an rawn che tha chho, 4th quarter-ah pawh Heat an chungnung zawk, mahse 110-97 in game a zo ta a ni.

Miami Heat tana che tha ber Duncan Robinson chuan point 18 a score kai hram a, Bam Adebayo chuan point 16 a score a, Jimmy Butler chuan point 14 a score ve bawk.

Celtics tan Derrick White chuan point 24 a score a, Marcus Smart chuan point 23 a score bawk. Tin, Jayson Tatum leh Jaylen Brown te pawhin point 21 ve ve an score kai bawk.

Game 6 hi May ni 28 zing dar 6-ah khelh a ni leh dawn a, heta Celtics an chak leh a nih chuan 3-3 a ni ang a, Game 7 khelh a ngai dawn tihna a ni. Hetih lai hian Miami Heat an chak a nih chuan, Final-ah Denver Nuggets nen an inhmachhawn dawn a ni.