Usain Bolt elpui tur ber ni a ngaih Canadian sprinter Andre de Grasse chu kaiza tha hliam vangin August ni 4 leh ni 13 inkara neih tur World Athletics Championships-ah a tel thei dawn lo.

London-in a thlen tur World Athletics Championships-ah hian 100m intlansiakah De Grasse hi Bolt elpui tur ber niin a ngaih theih a, kum 22 mi hian Rio Olympic Games 2016-ah khan 200m-ah Silver medal lain 100m-ah Bronze medal a hlawhchhuak bawk.

De Grasse chuan, "Inhliam hi infiamna ken tel a ni miau va, ka hliam hun hi a vanduaithlak khawp mai. Kum tir ațang khan 100m-a ka thlir ber chu London hi a ni a, ka țhat vanglai anih bakah khawvela țha ber elpui hun tur hi ka nghakhlel țhin em em bawk."

"Ka hun țha neih ka chan tur hi keima tan chuan suangtuah phakloh lam daih a ni a, amaherawhchu ka hmachhawn mek si." tiin a hliam hi pawi a tih thu a sawi.

Pic: Getty