Cleveland Cavaliers center thar Andrew Bogut chu Cavs tana a inlanna game hmasa berah a inhliam nghal a, Australian center hi tun season chhung a chawlh ngei a rinawm a ni.

Cavs leh Miami Heat inkhelh tumin Bogut hi Heat forward Okaro White nen an tauhna lamah a inhliam a, a inhliam endik a nih hnuah a ke ruh a tliak tih hmuhchhuah a ni. He inkhelah hian Cavs an tlawm nghe nghe a, 106-98 in Heat-in hnehna an chang a ni.

Thawhlehni zingkara(IST) inkhelah Bogut hian 1 quarter tawp dawnah Tristan Thompson a thlak a, Court chhungah second 58 chiah a awm hman tihih a ke ruh a ti tliak hlauh a ni. Cleveland-in NBA title humhim tumin 'Big Man' laktlak an mamawh a, Bogut lalut mahse a inhliam leh nghal avangin Cavs hotute lu a hai hle ang.