​Bethlehem Vengthlang FC leh Chawnpui FC chak zawk an awm lo

26th September 2018, 03:09AM

Mc Dowell's No 1 Soda Mizoram Premier League (MPL) Season 7 round 4 match hmasa ber September ni 25, Thawhlehni tlai Bethlehem Vengthlang FC leh kai thar Chawnpui FC inkhelah chak zawk awmlo in 1-1 in an inhneh tawk a, he inkhelah hian Bethlehem Vengthlang FC winger Laldinliana Varte chu Man of the Match-ah thlan a ni.

Goal lut te hi first half leh second half-a lut a ni a, first half-ah Chawnpui FC tan Vanlalthanga goal khung chu second half-ah Bethlehem Vengthlang FC tan C.Lalrintluanga chuan an siphurh sutna goal a khung.

Bethlehem Vengthlang FC hian MPL 7-ah hneh an la nei lo a, Mizoram Police FC, Chhinga Veng FC leh Chanmari FC hmaah an tlawm a, Chawnpui FC nen chak zawk awmlo in an in draw a, match li khel tawhin point 1 an nei a ni. Chawnpui FC hian Chhinga Veng FC an hneh loh hnuah Ramhlun North FC, Electric Veng FC leh Bethlehem Vengthlang FC an draw a, match li khelh tawhin point 3 an nei tawh.

03:00 PM Bethlehem Vengthlang FC 1-1 Chawnpui FC

(C. Lalrintluanga 77') (Vanlalthanga 45+2')

MoM: Laldinliana Varte, Bethlehem Vengthlang FC

Inkhel tan a ni a, Chawnpui FC chuan inkhel thunun nghalin goal hlauhawm pawh an nei nghal a, forward David Laltlansanga goal shot tha zet chu Bethlehem Vengthlang FC keeper Lawmzuala'n a dan sak hnuah Lalruatfela chuan goal zawnah apet lo zui bawk.

Bethlehem Vengthlang FC pawhin goal hlauhawm nei ve bawkin Zothanpuia Hnamte leh Lalnunpuia goal shot tha zet chu Chawnpui FC keeper Malsawma chuan a dan sak ve ve bawk. Chawnpui FC chuan nawr chhunzawmin K. Roluahpuia ball vawrh luh tha zet chu David Laltlansanga chuan goal zawnah a tauh lo a, Lalbiaknia chuan goal thunna hun tha a hloh ve bawk.

Goal lut awmlo in chawlhlawk an hmang mai dawn emaw tih hnu huntawp dawn injury time-ah Chawnpui FC chuan an hun tha neih hmang tangkaiin Vanlalthanga chuan free kick atangin goal hmahruai an khung a, chawlh lawk an hmang zui ta a ni.

Second half-ah Bethlehem Vengthlang FC chuan an siphurh sut ngei tumin an nawr a, PC Vanlalhruaia goal shot tha zet chu Chawnpui FC keeper Malsawma chuan a dan sak hnuah bech a tang a lut C. Lalrintluanga chuan goal thunna hun tha a hloh ve bawk. Bethlehem Vengthlang FC chuan nawr chhunzawmin minute 77-ah Laldinliana (Dina Varte) corner pet chu box chhunga awm C. Lalrintluanga chuan tauh lutin an siphurh a rul.

Bethlehem Vengthlang FC chuan goal thun belhna hun tha neih chhunzawmin Dina Varte chuan a hun tha neih a hmang tangkai thai lo. Chawnpui FC pawhin goal thun belhna hun tha nei ve bawkin Vanlalthanga chuan a hun tha neih a hmang tangkai thei lo a, bench atang a lut Vanrammawia Ngente leh Lalramliana chuan goal thun belhna hun tha an hloh ve bawk. Goal dang luh belh tawh lo in 1-1 a inhneh tawkin khelmual an chhuahsan a, point 1 ve ve an hlawh chhuak a ni.

(adsbygoogle = window.adsbygoogle || []).push({});

Copyright © inkhel.com 2024. All rights reserved.