15 Nov 2015 07:55

Inkhel

Mizo Sports Website hmasa ber

​Bethlehem Vengthlang FC-in Luangmual FC an sawp

McDowell's No 1 Soda Mizoram Premier League Round 11 khelh zawh a ni a, match hnuhnuhnung ber dawttuah Bethlehem Vengthlang FC chuan 6-0 laiin Luangmual FC an sawp.

Bethlehem Vengthlang FC tan Puitea leh Dawngtea chuan goal hnih an khung a, man of the match Dingngheta leh Rinsanga ten goal khat ve ve an khung bawk a ni.

Luangmual FC 0-6 Bethlehem Vengthlang FC

(Dawngtea 6', 52', Dingngheta 22', Puitea 51', 56', Rinsanga 61')

Luangmual FC XI: Rosangliana, Vanlalruata, B Malsawmzuala, Lalthawmmawia, Hmingthanzauva, Malsawmdawngzela, Daniela Pautu, Lalchhanchhuaha, F Lalmuansanga, Lalthazuala, Dinthangpuia

Bethlehem Vengthlang FC XI: H Lalremruata, R Laldinliana, MS Dawngzela, Lalmuanawma, R Lalrinsanga, Ramfangzaua, K Lalthathanga, Vanlalzuia Hnamte, Laldingngheta, MS Dawngliana, Lalrammawia

Tan atanga minute 6-na lekah Dawngtea chuan goal hmahruai a khung a, mual dinglam sir atanga Dingngheta cross tha zet chu pen 15 vel atangin Dawngtea chuan kil sir takah a tauh goal. Goal hnihna hi goal hmasa ber siamtu Dingngheta khung a ni a, tha taka ball lalutin goal ropui tak 22nd mins-ah a khung a ni.

Half time a nih chuan si hnih faiin Bethlehem Vengthlang FC chuan hma an hruai a, second half-ah erawh goal a sur ta. 51, 52, 56, 61 mins-ah te goal a lut a, minute 10 chhungin goal 4 teh meuh mai a lut. Puitea chuan goal hnih a khung a, Dawngtea pawhin goal khat a khung belh leh a, Rinsanga chuan goal hnuhnung ber a khung a ni.

Luangmual FC hi 7-0 laiin an chak lo teuh hle nghe nghe. Hun tawp dawn tak takah counter attack hmangin Bethlehem Vengthlang FC hian an nawr a, Daniel-a chuan ball chhuhsakin, an lamah a pet a, a goal teuh hle, an goal post a per nghe nghe a ni.

Bethlehem Vengthlang FC hi player nei tha an ni kan ti thin a, mahse an that angin an khel chhuak hleithei lo. Player inhliam an neih nual avangin harsatna tawk mahse chu erawh an harsatna lian ber a ni lo. An harsatna lian ber zawk nia kan sawi thin kha chu player thar an tam a, an form tak takin an la khel chhuak thei lo. Tunah erawh MPL Season 4 phase 2 khelh mek a ni a, Round 11 an khelh zawh meuh chuan Bethlehem Vengthlang FC an that zia kan hmu chho tan mek.

Semi final khel thei dinhmunah an ding chhunzawm zel a, table-ah 3-na an ni a, khelh 3 chiah a awm tawh, Bethlehem Vengthlang FC hian semi final an lut a nih chuan champion thei turin player quality an nei a, champion beiseiawm ber pakhat an ni dawn a ni.