20 Oct 2015 05:47

Inkhel

Mizo Sports Website hmasa ber

​Bethlehem Vengthlang FC defender thar Jerry Lalrinzuala

Bethlehem Vengthlang FC chuan transfer window hawn a nih rualin Jerry Lalrinzuala an lei nghal. Jerry Lalrinzuala hi left back niin, Aizawl FC leh Chanmari FC-ah te a lo khel tawh thin a, India Junior Team-a khel mek a ni nghe nghe. An indawrna tak hi hriat a ni lova, tlawm takin an lei dawn lo tih erawh a chiang hle thung.

Bethlehem Vengthlang FC hian MPL 4 season inbuatsaihna an hmang tha hle a nih kha, MFA Super Cup-ah an champion avang khan beisei pawh an nei sang. Mahse beisei angin an khel chho thei ta lova, player thar an neih nual avangin team-ah ngelnghehna tak tak an nei lo. Goal an khung thei a, an chhuah hnem bawk a. Goal 11 an khung a, goal 11 an chhuah bawk.

Game 7 atangin vawi hnih chak an nei a, vawi hnih an chak loh bakah vawi thum an khingpui an inhnehtawk pui a ni. Point 9 an nei mek, table-ah 5-na an ni a, semi final khel thei dinhmunah an la inhlangkai phak lo deuh. Season chawhnu lam tha taka khelh an tum a, an mamawh tak defence lam an thuam tha dawn. Jerry Lalrinzuala hi an mamawh chhanna a nih beiseiin an lalut ta a ni.