03 Jun 2015 01:26

Serchhip Chelsea

Berbatov leh Monaco an inthen.

Manchester United striker hlui Dimitar Berbatov chuan Monaco a chhuahsan a, club nei lo (free agent)-in a awm.

Bulgarian striker hi kum khat leh a chanve chhung chu French club-ah hian hun a hmang a, kum 2014 January thla khan Fulham atangin a pan a tun season Champions League-a Arsenal an hneh tum pawhin goal a khung nghe nghe.

Kum 34 mi ni tawh mahse duhtu an la tam a, Premier League khel tura kai thar Bournemouth chuan lakluh an duh niin sawi a ni.

Monaco vice president Vadim Vasilyev chuan Berbatov hian a thiamna lantirin professional a nihzia a lantir tih a sawi a, an club-a khel tawh striker zinga ropui ber pakhat tiin a fak bawk.

Berbatov hian Premier League-ah sulhnu a nei chhe hran lo va, Tottenham, Manchester United leh Fulham tan belhkhawmin game 229 a khel a goal 95 a khung.

Tun season-ah pawh Monaco tan hian game 37 khelin goal kua a khung a, Ligue 1-ah pathumna an ni.