English club pahnih Arsenal leh Manchester United te chuan Real Madrid striker Karim Benzema lak tumin hma an la dawn tih sapram chanchinbute chuan an tarlang.

Metro-in a tarlan dan chuan Arsenal hian an striker Oliver Giroud hralhchhuah a, chumi mana Benzema lei an tum dawn. Arsenal hian kum 27 mi French striker manah £35million thehchhuah an tum dawn nia tarlan a ni. Premier League striker tha ber zing ami Arsenal-in hralh chhuah an tum hian Arsenal fans te a barakhaih chiang hle a, Giroud hian tun season Premier League game 27 atangin goal 14 a khung a ni.

Manchester United chuan Colombian striker Falcao chelh an tum lo tih a chiang tawh. Dutch striker Van Persie pawh contract an chhunzawm pui dawn nge dawn lo a la chiang lo, Van Persie hian kum 30 ral a lo kai ve tawh si a, chuvang chuan United hian contract pek chhunzawm an tum vak lo niin a lang.

Mirror in a tarlan dan chuan Van Gaal chuan he French Striker hi Rooney kawppui atan emaw lone striker atan emaw hman a duh a, Manchester United hian £40 million pawhin Real Madrid striker hi an ngam tih tarlan a ni. Benzema hi Sir Alex Ferguson-a lei chhuah zawh loh kha a ni a, Van Gaal hian lei chhuak thei tak maw ?