Benteke Liverpool lamin an hnaih zel

26th June 2015, 05:06PM

Liverpool chuan striker thar lakluh tum in hma an la mek zel a, Aston Vill striker Christian Benteke chu lakluh tum in hma an lak mi niin an sawi.

Aston Villa striker Benteke hi Liverpool manager Brendan Rodgers-a player duhzawng tak niin nikum lamah pawh khan lakluh alo tum tawh a, mahse hliam a neih avang khan a thulh leh ta niin an sawi bawk.

Liverpool hian £22m vel a Benteke lakluh an tumna chu hnawl alo ni tawh niin an sawi bawk a, Benteke contract neih mekah hian £32.5m aia tlawm chuan hralh theihlohna a awm avangin Villa hian an tanna ngaiah an la tang na hle niin sawi a ni bawk.

Genk atanga £7m a Villa in an lakluh Benteke hian Villa tan game 99 a khelh ah goal 49 a thun mek a, Liverpool mai bakah Chelsea te nen pawh sawizawm a ni mek bawk a ni.

Liverpool hian £25m velin Benteke hi lakluh tum in Villa an dawr leh dawn niin sawi a awm a, £25m a Benteke an lalut thei a nih chuan tun summer transfer window ah hian Liverpool hian player lakluh nan £70m chuang an seng tawh dawn tihna a ni ang.

Liverpool hian Roberto Firmino leh Joe Gomez te an lakluh bakah a free in James Milner, Danny Ings leh Adam Bogman te an lo lalut tawh a ni.

Copyright © inkhel.com 2024. All rights reserved.