02 Jun 2015 05:34

digimalt

​Benitez-a'n Madrid a thleng ta

Rafael Benitez chuan Madrid khawpui a thleng ta a, tun kar hian Real Madrid coach a nih thu puan a nih hman ngei rin a ni.

"Ka phurin ka hlim em em a ni, hetih lai hian sawi ho tur thenkhat a la awm," tiin Benitez chuan Madrid khawpuia amah lo nghaktu chanchinbu mite hnenah a sawi.

Real Madrid Youth team atangin coaching a tan a, Real Madrid senior team assistant coach te a ni chho. Valencia a hlawhtlinpui hnuah 2004 khan Liverpool a pan a, Champions League title a lapui hnuah Napoli a pan leh a, kum hnih a cham chhungin Coppa Italia a lakpui leh bawk.

Tun Pathianni khan Lazio nen Serie A match hnuhnung ber an khel a, 4-2 in an chak lo hlauh a, Napoli chuan Champions League an khel phak dawn ta lo a ni. Kha match kha Benitez tan chuan Napoli tana a match hnuhnung ber a ni dawn ta.

"Mipui min ngaina em em tute kalsan hi a hrehawm a ni," tiin Napoli fans te a thlah. Benitez hi Spanish media te chuan Real Madrid coach a ni mai tur hi a duhthusam a thleng dik em tih an zawhna chu," Thleng dik e," tiin a chhang a ni. Season hmasaah Champions League title la mahse tun season-ah trophy pakhatmah an lak tak loh avangin Carlo Ancelotti chu Real Madrid hian an ban a, Benitez an ruai dawn ta a ni.