Arsenal chuan £50m laiin English defender Ben White chu an lalut ta a, an club history a player man to ber pathumna a ni.

Kum 23 leka upa, Brighton atanga Arsenal in an lakluh tak Ben White hi Arsenal hian an tlar hnung phui tha tawklo thin hnawhkhat tu atan an lakluh fuh hmel hle.

Ben White-a thatna hrang hrang te han sawi zau ta deuh ila, Ben White hi centre back dam taka game khel thei a nih vang hian centre back position atanga ball han semkual tu atan a tha em em a. Season kalta khan min 90 game a khelhah pass 49.23 nei ziah ang niin ball in pass tam Arsenal team-ah hemi aia tam ball pass hi a neih thin a rinawm.

Manchester United defender Harry Maguire anga defence position atanga ball han khalh chhuak a, attacking va pui thei ang chi defender kha a ni bawk a, centre-back skills nei tha tak niin seasonkalta pawh khan take-ons 24 lai neiin Premier League centre-back zinga mi bum hlawhtling hnem theiber a ni.

Attacking lam pui thei defender te an pawimawh em em laiin an hna pawimawhber erawh goal chhuah loh a ni a, kum 23 leka upa Ben White hi defending lamah pawh a ngaihtuahawmloh hle. Lehlam pawl te game khelh dan a zir thiam zung zung a, hei vang hian lehlam pawl te attacking rawn nei tur pawh vawi tam tak dangchat thin in season kalta khan interceptions vawi 62 lai neiin amah aia interceptions nei hnem hi Premier League player zingah mi pali chiah an awm a ni.

Season khat khelh chhung a rei a, first team player te an inhliam nual chuan team in a tawrh phah thin. Hetiang hunah player player position hran hran a khel thiam hi an pawimawh em em a, chutiang huna mamawh chhana chu Ben White hi a ni awm e. Ben White hian a tul chuan right-back emaw wing-back ah te tha takin a khel thei thin a, Brighton-ah khan heng position-ah te pawh a hmantlak zia kha kan hmu awm e.

A thatna lai tam tak awm mahse a chaklohna lai ni a lang chu ball kangah niin Premier League season kalta khan ball kang 99 a hmachhawnah tum 49-ah chiah a hlawhtling a, a hlawhtlinna rate hi 49.5% chiah a ni.