Pathianni zing khan New York, USA-ah Bellator MMA neih zawh a ni leh ta a, main event-ah Pride Heavyweight Champion hlui Fedor Emelianenko leh American Gangster Chael Sonnen an insual a, round khat naah Fedor-a'n Sonnen technical knockout-in a hneh a, heti hian Fedor leh Ryan Bader te chuan Bellator Heavyweight title an inchuh dawn ta a ni.

He fight card -ah hian main event hian ngaihven a hlawh bawka, fight reilo mahse insual hmuhnawm tak erawh a ni thung. Referee-in fighter te insual tura a tih veleh Sonnen-a hian Fedor paih thluk nghal a tum hle a, fighter tawnhriat ngah tawh Fedor-a'n a hnek thlu a, hemi hnu lawk hian a hnek thlu zui leh. Chael Sonnen-a hian takedown a tum thin viau nanga, wrestling background nei tha tak Fedor-a'n a bawhbet zawkah a tang leh thin a, nimahsela inpawmchilh duh lovin standing fight-ah a kalpui leh thin.

Sonnen-a hian a nawr nasa bawka, chiang takin a paih thluk thei ta a, bawhbet zui nghal mahse; tharum ngah zawk Fedor erawhin a bawhbet leh thei ta zawk thung. Heti chung pawh hian Fedor-a hian standing fight-a insual a la duh zawk ta thung a, chiang zetin a hnek fuh zui nen, Sonnen a tlu ta zui bawka, chiang zet zetin a hnek nghal mawp mawp a, referee inrawlh nghal vatin Fedor chak zawkah puan a ni zui ta bawk.

Co-main event-ah UFC Lightweight Champion hlui Benson Henderson-a chuan Saad Awad decision-in a hneh bawka, palian insual hmuhnawm takah Cheick Kongo-a chuan Timothy Johnson K.O-in a hneh bawk. Anatoly Tokov-a chuan Alexander Shlemenko decision-in a hneh bawka, main card insual hmasa berah Henry Corrales-a chuan Andy Main a hneh bawk.

Main card

Heavyweight

Fedor Emelianenkodef.Chael Sonnen,

TKO (punches)Round 1,4:46

Lightweight

Benson Hendersondef.Saad Awad,

Decision (unanimous) (30-27, 30-26, 30-26)Round 3,5:00

Heavyweight

Cheick Kongodef.Timothy Johnson,

KO (punches)Round 1, 1:08

Middleweight

Anatoly Tokovdef.Alexander Shlemenko

Decision (unanimous) (30-27, 30-27, 30-27)Round 3, 5:00

Featherweight

Henry Corrales def.Andy Main

KO (punches)