Mizoram Chief Minister leh Cricket Association of Mizoram president Pu Lal Thanhawla hmalaknain Cricket Association of Mizoram chuan Board of Control for Cricket in India (BCCI) affiliated member nih a hnaih zel.

Vawiin khan BCCI president Jagmohan Dalmiya leh Biswajit Deb, Advocate General of Mizoram te chuan hemi chungchang hi khunkhan takin an sawi dun a, Dalmiya chuan Mizoram affiliation chungchang chu affiliation committee member-te ngaihtuah turin a hlan chhawng ta a, Dalmiya hian Mizoram hi BCCI affiliated member a nih theih nan affiliation committee-ah hma a lak ngei rin a ni bawk.

BCCI hian North East India-a Cricket ngaihsan a nih chhoh zel theih nan theih tawp a chhuah a, Dalmiya chuan New Area Development Committee nei turin hma a la tawh a, chumiah chuan coaching programmes te, coach leh staff te leh cricket ground leh hmanrua hmasawnna North East State ten an neih theih nan sum tam tak dah a ni tawh nghe nghe a ni.

Mizoram Chief Minister Pu Lal Thanhawla chuan Cricket Association of Mizoram aiawhin Dalmiya hnenah lawmthu a sawi a ni.

source : ibnlive.com