BBC chuan kumtina an tih țhin angin BBC Sports Personality of the Year an thlang leh a, kumin atan 10,000m intlansiaka champion lai Mo Farah chuan a dawng.

Kum 34 mi Farah hian August thla khan London-a neih World Championship-ah gold medal a la a, Olympic-ah gold medal vawili a la tawh bawk.

Paula Radcliffe (kum 2002) hnuah Farah hi long-distance runner zinga BBC Sports Personality of the Year ni leh thei hmasa ber a ni a, Liverpool leh Scotland striker hlui Kenny Dalglish chuan Echo Arena-a neih award semna hunah hian kumina Personality of the Year award dawngtu hi a puang.

Farah hian World Superbike champion Jonathan Rea leh Paralaympic-a vawihnih champion tawh Jonnie Peacock-te khumin chawimawina hi a dawng a, chawimawina dawng tur hi internet kaltlanga mipui thlan an ni.