26 Mar 2020 01:45

bakteaJr.

Mizo tlangval

​Bazar hun an sawn maithei

FIFA chuan coronavirus-in season kal mek a tih khailak nasat em avangin kumin bazar hun pawh sawn dan a ngaihtuah mek niin Sky Sports chuan a tarlang.

Khawvela football thuneitu sang ber FIFA chuan bazar hun siamrem dan turah thutlukna siam an la nei lo nia tarlan a ni a, an sawn hla dawn nge an pawtsei dawn tih an ngaihtuah mek niin a lang.

Bazar hun hi July thla atangin a intan tlangpuia, hemi su rem tur hian Europe-a league hrang hrangte chu June thla ni 30-a season zo hman turin an inbuatsaih mek.

June thla ni 30 hi tinzawn ni mahse coronavirus darh mek chuan zia lam a la pan hleithei lova, tum angin June ni 30 season hi khelh zawh hman a ni dawn em tih a sawi theih loh.

La Liga chuan tiam chin awm lovin an season an tihtawp riha, Premier League lam hi April thla chhung an la chawl leh dawn bawka, league dang te pawh season chhunzawm mai tur an awm rih lo.

Coronavirus hian football khawvel pawh nasa takin a tibuai meka, Euro pawh nakkum lamah sawn alo ni tawha, season khailak mek te chu chhunzawm theih lovin cancel a ngai lovang tih a sawi theih hauh loh bawk a ni.